Սկսում ենք աղբի տեսակավորման գործընթաց, որը երբեք Երևանում չի իրականացվել: Այս մասին ավագանու արտահերթ նիստի ժամանակ հայտարարեց քաղաքապետ Հայկ Մարությանը:
Քաղաքապետի խոսքով՝ այս քայլով կլուծվեն նաև բնապահպանական խնդիրները։
«Ստեղծվելու են վտանգավոր աղբատեսակների հավաքակայաններ, որոնց մասին նույնպես Սովետական միությունից ի վեր երբևիցե չի խոսվել: Վտանգավոր աղբը գնում և իր տեղն է գտնում Նուբարաշեն աղբավայրում՝ հասարակ աղբի կողքին, ինչն անթույլատրելի է 21-րդ դարում»,- նշեց նա:
Մարությանն ասաց՝ չնայած սրանք չերևացող հարցեր են, բայց շատ լուրջ են․ «Մենք չենք անելու ինչ-որ պոպուլիստական քայլեր, չենք անելու բաներ, որոնք միանգամից երևալու են, այլ սկսելու ենք պրոցեսներ, որոնց արդյունքները երևալու են 15-20 տարի հետո»,- ասաց նա:
