Բոլորն են հիշում Սոչիի օլիմպիական խաղերը, որոնք շատ մասնագետներ գնահատեցին որպես լավագույններից մեկը: Սակայն վեց շաբաթ անց այդ քաղաքում չկա որևէ աշխուժություն, քաղաքը կամաց-կամաց վերածվում է «քաղաք-ուրվականի»: Այս մասին հաղորդում է The Daily Mail-ը:
Դատարկ են փողոցները, շենքերը, միայն ակտիվ են անտուն շները, որոնք պառկած տաքանում են գարնանային արևի տակ: Ղրիմում տեղի ունեցած իրադարձությունները վաղուց ստվերել են Սոչիի խաղերի դրական արձագանքը, հոդվածի հեղինակներն էլ եզրակացնում են, որ դժվար է հավատալ, որ Սոչին ապագայում կդառնա զբոսաշրջիկների համար սիրված վայր, ովքեր այստեղ կժամանեն Խաղերի կառույցներին ծանոթանալու և այդ մթնոլորտը զգալու համար:
