Կառավարությունն անցնում է կորոնավիրուսի դեմ պայքարի ապակենտրոն ռազմավարության, այն է՝ քաղաքացիների պատասխանատվությունը դառնում է առաջնահերթ: Այսօր կառավարության նիստում ասաց վարչապետ Նիկոլ Փաշինյանը:
Նա ասաց, որ ոչ ոք չգիտի՝ ինչ իրավիճակ կլինի: «Մեզ կմեղադրեն, թե քաղաքացու վրա են դնում պատասխանատվությունը, բայց դա մեր կառավարության փիլիսոփայությունն է»,- հիշեցրեց կառավարության ղեկավարը:
Վարչապետն ասաց, որ պարետատունը քննարկում է՝ բաց եւ փակ տարածքներում դիմակներ կրել:
Այսօր դիմակների դեֆիցիտ, վարչապետի խոսքով, չկա: Արտադրություն կա Հայաստանում, որը բավարարում է մեր կարիքները, եւ կարող ենք նույնիսկ արտահանել:
Նիկոլ Փաշինյանը վստահեցրեց՝ որեւէ տեղեկություն քաղաքացիներից չեն թաքցրել: «Չգիտես ինչու, քաղաքացիները կարծում են՝ թվերն ուռճացնում ենք: Թե ինչու պետք է այդպես անենք, անհասկանալի է»,- ասաց նա:
