Երգչուհի Սիրուշոն իր հեղինակած արծաթյա զարդերի հարսանեկան նոր հավաքածու է թողարկել: Նոր հավաքածուն ներկայացնելու համար երգչուհին ֆոտոշարք է իրականացրել, որտեղ հարսանեկան զգեստ է կրում: Հերթական լուսանկարները հրապարակելիս նա սիրո խոստովանություն է արել ամուսնուն՝ Լևոն Քոչարյանին:
«Պատահական չէ, որ հենց հիմա եմ ներկայացնում հարսանեկան հավաքածուն: Այս տարի լրանում է իմ ամուսնության 10 տարին: Մի մարդու հետ, ով արդեն երկար տարիներ լավագույն ընկերս է, ում ազնվությամբ ու խելացիությամբ չեմ դադարում հիանալ ու հպարտանալ»,- գրել է Սիրուշոն՝ օգտագործելով «Միասին ուժեղ» և «Ի նեղութեան և ի փորձութեան» հեշթեգերը:
