Սիրիան առայժմ չի պատասխանել Իսրայելի ռազմաօդային ուժերի կողմից Սիրիայի ռազմաբազաներից հասցված հարվածին, սակայն իրեն իրավունք է վերապահում պատասխանել արտաքին միջամտություններին: Այս մասին հաղորդում է ITAR-TASS-ը` հղում կատարելով Սիրիայի դիվանագիտական-ռազմական աղբյուրներին:
«Եթե Իսրայելը շարունակի իր սադրիչ գործողությունները, ապա Սիրիան կարող է պատասխանել դրանց: Այն կորոշի պատասխանի ժամկետներն ու միջոցները, որոնց կդիմի (պատասխանի դեպքում — խմբ,)», — ասել է գործակալության զրուցակիցը:
Հիշեցնենք, որ հոկտեմբերի 31-ին Իսրայելի ռազմաօդային ուժերը ռմբակոծության են ենթարկել Միջերկրական ծովի ափին գտնվող Սիրիայի ամենամեծ ռազմաբազան, որտեղ ոչնչացվել են ռուսական արտադրության հրթիռներ:
