Ինչպես հաղորդում է Euronews-ը, Սիրիայում հակամարտող կողմերը հայտնվել են փակուղում և նրանցից ոչ մեկը հնարավորություն չունի հաղթանակ տոնելու: Այսպիսի կարծիք է հայտնել Սիրիայի տնտեսական հարցերով նախարար Քադրի Ջամիլը։ Նա նշել է, որ կառավարությունը, Ժնևում կայանալիք կոնֆերանսին, պատրաստվում է խաղաղության կոչ անել:
Մինչդեռ ՄԱԿ-ի անվտանգության խորհրդի մշտական հինգ անդամները շարունակում են համաձայնեցնել սիրիական քիմիական զենքի ոչնչացման բանաձևի տեքստը: ԱՄՆ պետքարտուղար Ջոն Քերին հայտարարել է, որ Անվտանգության խորհուրդը լուրջ թեստ պետք է հանձնի արդեն հաջորդ շաբաթ. «Կենսական նշանակություն ունի, որ միջազգային հանրությունը ոտքի է կանգնել և ամենավճռական կերպով հայտարարել, որ անհնարժեշտ է գործողություններ կատարել, ինչի արդյունքում Սիրիան կզրկվի քիմիական զենքից»:
Հիշեցնենք, որ 2011 թվականի մարտից Սիրիայում շարունակվում են ներքին բախումները, որի հետևանքով տարբեր տվյալներով արդեն զոհվել է ավելի քան 100 հազար մարդ:
