Սիրիայում մոտ 2,5 միլիոն մարդ զրկված է մարդասիրական օգնություն ստանալու հնարավորությունից կառավարական և զինյալ խմբավորումների միջև զինված հակամարտության պատճառով: Այս մասին հայտնել է ՄԱԿ-ի Մարդասիրական օգնության հարցերով գլխավոր քարտուղարի տեղակալ Վալերի Ամոսը:
Իր հայտարարության մեջ նա ասել է. «Իմ վերջին ելույթից հետո ավելի քան երեք ամիս է անցել, բայց մենք դեռ ի վիճակի չենք հումանիտար օգտնություն հատկացնել մոտ 2,5 միլիոն մարդու, ովքեր գտնվում են դժվար հասանելի շրջաններում»:
Նա նշել է նաև, որ Սիրիայում մոտ 2 հազարի հասնող զինված խմբավորումներ են գործում: Այս խմբավորումների հետ մարդասիրական օգնության մատակարարների բախումներն ավելի հաճախակի են դարձել: Սրանից տուժում է Սիրիայի ժողովուրդը, որի համար հումանիտար օգնությունը անհասանելի է դառնում:
