 «Սիրիան պատրաստ է պահպանել քիմիական զենքի արգելման կոնվենցիայի դրույթները»,- այսօր ՄԱԿ-ի Գլխավոր ասամբլեայի ամբիոնից ելույթ ունենալով՝ հայտարարել է Սիրիայի արտաքին գործերի նախարար Վալիդ Մուալեմը,- հաղորդում է euronews-ը:Նա մասնավորապես նշել է, որ քիմիական միացություններ իր երկրի տարածքում կիրառվել են բացառապես ապստամբների կողմից, որոնք ստացել են այն արևմտյան և որոշ այլ պետությունների աջակցությամբ:
«Իմ երկրում ամեն օր բազմաթիվ անմեղ մարդիկ են զոհվում, որոնք սկզբունքորեն դեմ են «Ալ-Քաիդային»: Մենք ինքներս ՄԱԿ-ին խնդրել ենք իրականցնել հետաքննություն և պարզել իրական հանցագործներին»,- ասել է նա և հավելել, որ Սիրիայում ընթանում է ոչ թե քաղաքացիական պատերազմ, այլ պայքար զինված գրոհայինների դեմ: |
