Այսօր ՀՀ կառավարության նիստից հետո լրագրողների հետ ճեպազրույցում Անվտանգության խորհրդի քարտուղար Արմեն Գրիգորյանն անդրադարձավ Սիրիայում գտնվող ՀՀ ԶՈՒ հումանիտար առաքելության գործունեությանը՝ թուրք-սիրիական հակամարտության լարվածության ֆոնին:
Արմեն Գրիգորյանի խոսքով՝ մեր հումանիտար առաքելությունը միանշանակ չի մասնակցում ռազմական գործողություններին։
«Լուրջ որևէ անհանգստանալու խնդիր չունենք իրենց մասին։ Դա հումանիտար առաքելություն է, և նրանք չեն կարող որևիցե ձևով մասնակցություն ունենալ որևէ ռազմական գործողության»,- ասաց նա:
