Սիրիական քիմիական զենքի և դրա արտադրության սարքերի և նյութերի ոչնչացումը տեղի կունենա ամերիկյան նավի վրա։ Այս մասին հայտարարել է Քիմիական զենքի արգելման կազմակերպությունում (ՔԶԱԿ) ՌԴ ներկայացուցիչ Վասիլի Տիտուշկինը։
«ՔԶԱԿ-ի գործադիր խորհուրդը որոշում է կայացրել քիմիական զենքի ոչնչացման հաջորդ փուլի առանցքային խնդիրների վերաբերյալ։ Լաթաքիա նավահանգստում (Սիրիա — խմբ․) սիրիական քիմիական զենքի պաշարների ամենավտանգավոր տարրերը կբեռնվեն Դանիայից և Նորվեգիայից ժամանած նավերի վրա, ինչից հետո կտեղափոխվեն Իտալիա, որտեղ այն կփոխադրվի ամերիկյան հատուկ սարքերով նավի վրա, և տեղի կունենա ոչնչացման գործընթացը», — ասել է նա։
Հիշեցնենք, որ սեպտեմբերի սկզբին միջազգային արտաքին միջամտության կանխման դիմաց Սիրիան պարտավորվել է միջազգային հանրությանը հանձնել իր ամբողջ քիմիական զենքը։
