«Սիրիայի բարեկամներ» երկրների խումբը, որը ստեղծվել է Սիրիայում ներքաղաքական բախումները սկսվելուց հետո և ուղղված է հիմնականում երկրի ընդդիմությանն աջակցություն ցուցաբերելու համար, երեկ որոշում է կայացրել ավելացնել սիրիական ռեժիմին ընդդիմացող ուժերի օգնությունը։ Այս մասին հաղորդում է Reuters գործակալությունը։
ԱՄՆ-ը, Մեծ Բրիտանիան, Ֆրանսիան, Եգիպտոսը, Սաուդյան Արաբիան և մի շարք այլ ազդեցիկ երկրներ, ովքեր ձևավորել են այս ֆորմատը, մասնավորապես, օգնություն կցուցաբերեն «Սիրիայի ազգային կոլաիցիային», որն ընդդիմադիր ուժերի միասնական մարմինն է, սակայն ծայրահեղական խմբավորումները հրաժարվում են ճանաչել այն։
