Ռուսաստանի արտգործնախարար Սերգեյ Լավրովը հարցազրույց է տվել վավերագրական «ՄԳԻՄՕ. Աշխարհի բոլոր լեզուներով»-ի վավերագրական ֆիլմի համար՝ նվիրված Մոսկվայի Միջազգային հարաբերությունների պետական ինստիտուտի` ՄԳԻՄՕ-ի 75-ամյակին, որտեղ սովորել է ինքը՝ Լավրովը:
Shantnews-ի փոխանցմամբ, ի թիվս այլ թեմաների, Սերգեյ Լավրովին հարցրել են ուսանողական տարիներին սովորած օտար լեզուների մասին: Նախարարի խոսքերով՝ ինքը ցանկացել է սովորել արաբերեն և ֆրանսերեն, սակայն իրեն բաժին են հասել անգլերենը և սինհալերենը (սինհալների՝ Շրի Լանկայի հիմնական բնակչության լեզուն):
«Հետաքրքիր էր, քանի որ նոր լեզուն ուներ լրիվ անսովոր գեղագրություն, ինչ-որ չափով նման էր հայերենի գրությանը: Սա սանսկրիտ է, երկբարբառներով լեզու»,- ասել է Ռուսաստանի արտգործնախարարը` խոսելով սինհալերենի մասին:
Լավրովը խոսել է նաև սինհալերենի դասախոս Ալեքսանդր Բելկովիչի մասին, որը, Ռուսաստանի արտգործնախարարի խոսքերով, կարողացել է սինհալերեն ուսուցանել իր ուսանողներին՝ երբևէ չլինելով Շրի Լանկայում:
