Սիդնեյում օպերայի հանրահայտ շենքի դիմացի հրապարակում բացվել է փչովի հսկայական լաբիրինթոս։ Այս մասին հաղորդում է ITAR-TASS գործակալությունը՝ հղում կատարելով Associated Press-ին։
Բրիտանական Air ընկերության կողմից ստեղծված «Լյումինարիում» անունը կրող այս շինությունը ունի 53 մետր երկարություն և 9 մետր բարձրություն։ Լաբինթոսով անցնելիս հնչում է խորհրդավոր երաժշտություն, տեղի է ունենում գույների փոփոխություն, ինչպես նաև լսվում են տարօրինակ ձայներ։
«Սա ինտերակտիվ ատրակցիոն է, որը բաց է բոլորի համար։ Մարդիկ հաճույք են ստանում գույներից, լույսից ու ձայներից ոչ թե միայնակ, այլ բոլորը միասին։ Աչքի առաջ բացակայում է հորիզոնը, ինչի հետևանքով հեշտ է կորցնել կողմնոորշումը տարածության մեջ և հնարավոր է մոլորվել։ Այս ամենն անկրկնելի զգացումներ է առաջացնում»,- ասել է այս շինության ճարտարապետ Շանտի Ֆրիդը։
