Ռուսաստանի լիբերալ դեմոկրատական կուսակցության նախագահ Վլադիմիր ժիրինովսկին իր կուսակիցներին կոչ է արել սահմանափակել սեռական կյանքը: «Նոր տարուց մտցնում ենք սեռական կյանքի նորմեր` մեկ անգամ` եռամսյակում: Թեթևաբարո ֆիլմերի դիտումներից հետո երիտասարդների շրջանում ամրապնդվում է «որքան շատ, այնքան լավ» կանոնը, իսկ իրականում` որքան քիչ, այնքան լավ: Տարին չորս անգամ բավական է», — ասել է Ժիրինովսկին: Այս մասին հաղորդում է Vesti.ru-ն:
Բացի այդ, Ժիրինոսկին հաստատել է, որ 2014-ին կշարունակվեն գործել բուսակերության խթանման, ալկոհոլի և ծխախոտի սահմանափակման նորմերը: Նա նաև խորհուրդ է տվել սահմանափակել նիհարելուն ուղղված գովազդի ցուցադրությունը, առաջարկել է արգելել «Բաղնիքդ անուշ» ֆիլմի ցուցադրությունը, քանի որ այն խեղաթյուրում է իրական կյանքը և խրախուսում ալկոհոլի օգտագործումը:
