Հատված ՀՀ Նախագահ, ՀՀԿ նախագահ Սերժ Սարգսյանի ՀՀԿ 14-րդ արտահերթ համագումարում հնչեցրած ելույթից :
- Սա նո՛ր Հայաստան է և վերջ:
- Սա խոսքի ազատության, ժողովրդավարության Հայաստան է և վերջ:
- Սա օրենքի գերակայության և իրավունքի Հայաստան է և վերջ:
- Սա տնտեսական ազատության և մրցակցության Հայաստան է և վերջ:
- Սա այստեղ ապրող բոլոր ազգերի, բոլոր քաղաքացիների համար պատասխանատու Հայաստան է և վերջ:
- Սա միջազգային իր բոլոր հանձնառությունները հարգող Հայաստան է և վերջ:
- Սա իր պատմությունը հիշող, նրանից հզոր լիցքեր առնող, բայց նաև հնոտիքը իր վրայից թափող, նոր պատմություն կերտող Հայաստան է և վերջ:
- Առաջ, դեպի ապահո՛վ Հայաստան
Իրականում, սա մի Հայաստան է, որտեղ քաղաքացին իրեն ապահով չի զգում: Սա մի Հայաստան է, որն իր պատմական դերն ու նշանակությունը վաղուց մոռացել է: Սա մի Հայաստան է, որը միջազգային հանրության համար անհուսալի գործընկեր է: Սա իր ազգակիցների Քեսաբում կոտորվելուն լռությամբ նայող, իր քաղաքացուն Ռուսաստանում կնոջ խալաթ հագցնելը խոնարհաբար տանող Հայաստան է: Սա բիզնեսում փայ վերցնող Հայաստան է: Սա անօրեն Հայաստան է: Սա հակաժողովրդավար Հայաստան է: Սա կոմունիստական կարգերի մնացուկ Հայաստան է, և վերջ…
Արմեն Մկրտչյան
