Պարզվում է` Սերժ Սարգսյանի և Տիգրան Սարգսյանի հարաբերություններն այնքան էլ հարթ չեն, ու եթե Սերժ Սարգսյանի ձեռքին ճար լիներ` կազատվեր իրեն այդքան գլխացավանք պատճառած վարչապետից:Հետաքրքիր է այն հանգամանքը, որ չնայած նման լարված հարաբերություններին` Սերժ Սարգսյանը չի կարողանում ազատվել վարչապետից: Մեր ունեցած աղբյուրների համաձայն, իշխանական շրջանակներում խոսում են, որ այս տարվա օգոստոսին Տիգրան Սարգսյանի հրաժարականի դիմումը գրված է եղել, և նրա փոխարեն կիսով չափ նշանակված է եղել Հովիկ Աբրահամյանը: Ըստ այս խոսակցությունների` Տիգրան Սարգսյանն ինքն էլ համակերպված է եղել իր նոր կարգավիճակի հետ և չի փորձել համոզել Սերժ Սարգսյանին, որ խնայի իրեն:
Տիգրան Սարգսյանի բախտը վերջին պահին է բերել, երբ Ռուսաստանի իշխանական շրջանակներում որոշել են, որ Տիգրան Սարգսյանը իրենց պետք է: Ռուսական իշխանությունների այս որոշումը Սերժ Սարգսյանին փոխանցել է անձամբ Ռուսաստանի հայերի միության նախագահ Արա Աբրահամյանը: Նա տեղեկացրել է Սերժ Սարգսյանին, որ Պուտինի համար ցանկալի վարչապետը Տիգրան Սարգսյանն է, և Մաքսային միություն մտնելու հետ միասին` «սրբորեն» պետք է պահպանվի նաև Տիգրան Սարգսյանը: Այս ամենից հետո Սերժ Սարգսյանը նախագահական է հրավիրել Հովիկ Աբրահամյանին, հայտնել վատ լուրը և պատռել Տիգրան Սարգսյանի հրաժարականի դիմումը:
Սերժ Սարգսյանը հասկացրել է Հովիկ Աբրահամյանին, որ եթե ուզում է վարչապետ նշանակվել` պետք է Պուտինի աջակցությունը ունենա:
