Լոնդոնի «Չելսիի» գլխավոր մարզիչ Ժոզե Մոուրինյոն անդրադարձել է Չեմպիոնների լիգայի 1/8 եզրափակչի՝ «Մանչեսթեր Սիթի» — «Բարսելոնա» դիմակայությանը։
«Ավանդաբար «Բարսելոնան» «Մանչեսթեր Սիթիի» հետ խաղերում ֆավորիտ է համարվում, սակայն սա այն «Բարսելոնան» չէ, որը մենք տեսել ենք նախկինում։ Իհարկե, նրանք ունեն Մեսսի, նա յուրօրինակ խաղացող է, կան նաև այլ լավ խաղացողներ։ Սակայն սա վատագույն «Բարսելոնան» է վերջին շատ տարիների ընթացքում։ «Սիթին» հաղթանակի լավ հնարավորություն ունի», — ասել է Մոուրինյոն։ Այս մասին հաղորդում է iTV-ն։
Տեղեկացնենք, որ «Մանչեսթեր Սիթի» — «Բարսելոնա» խաղը կկայանա այսօր, Երեւանի ժամանակով 23.45-ին։
