ՀՀ ԱԺ պատգամավոր Արման Բաբաջանյանը ֆեյսբուքյան իր էջում լուսանկար է հրապարակել ու զուգահեռ գրել.
«Արդեն մի քանի ամիս է դուք մի կողմ եք թողել ձեր անձնական հոգսերն ու ցավերը, հույզերն ու զգացմունքները և ապրում եք ձեր օգնության կարիքն ունեցող հազարավոր մարդկանց ցավով ու խնդիրներով:
Մենք ձեզ ենք վստահում մեր ամենաթանկը՝ առողջությունը։ Ձեր նվիրված աշխատանքի ու հոգատար վերաբերմունքի շնորհիվ այս օրերին հազարավոր մարդիկ վերագտնում են իրենց առողջությունը:
Համոզված եմ, որ, դուք հոգնած ու հյուծված այսուհետ ևս անմնացորդ նվիրումով շարունակելու եք կյանքեր փրկելու ձեր առաքելությունը՝ ամեն օր առողջություն պարգևելով մեր ծնողնրին, մեզ, մեր զավակներին՝ երջանկացնելով հազարավոր ընտանիքների:
Մեր նորագույն պատմությունը հիշում է բուժաշխատողների անձնուրացության բազմաթիվ դրվագներ, երբ թե տարերային աղետների ժամանակ, թե ռազմական գործողությունների բովում վտանգելով սեփական կյանքը դուք փրկում էիք մարդկային կյանքեր։
Սա մեր բոլորի հերթական քննությունն է մեր ժողովրդի և պատմության առջև։Վստահ եղեք, որ մենք գնահատում ենք ձեր անմնացորդ ու շնորհակալ աշխատանքը։
Այսօր բուժաշխատողների մասնագիտական տոնն է և մենք երախտապարտ ենք նրանղ՝ իրենց անձնուրաց ծառայության համար»։
