Այն, որ Հրայր Թովմասյանի լիազորությունները դադարեցնելու հարցով քվեարկությունը տեղի է ունենում ԱԺ-ում, կարելի է ասել, որ այս գործընթացը քաղաքական է, քանի որ ներգրավված է ԱԺ-ն: Այս մասին լրագրողների հետ զրույցում նշեց «Իմ քայլը» խմբակցության պատգամավոր, ԱԺ արտաքին հարաբերությունների հանձնաժողովի նախագահ Ռուբեն Ռուբինյանը:
«Այն առումով, որ քաղաքականացված է եւ կան ճնշումներ, դա բացարձակ սուտ է: Ես կարծում եմ, որ Հրայր Թովմասյանի այս հայտարարությունները վկայում են այն մասին, որ Հրայր Թովմասյանը փաստացի զբաղվում է քաղաքականությամբ, որի իրավունքը չունի, ի տարբերություն ԱԺ-ի: Սա եւս մեկ փաստարկ է, որ Հրայր Թովմասյանը անաչառ չէ»,- ասաց նա:
