«Լուսավոր Հայաստանի» ներկայացուցիչներն այսօր շահարկել են Սարդարապատի հուշահամալիրի մուտքի՝ իրենց համար փակ լինելը, նշելով, թե Սարդարապատը բաց է միայն իշխող ուժի համար։ ՀՀ վարչապետ Նիկոլ Փաշինյանի մամուլի խոսնակ Մանե Գևորգյանը ի պատասխան պարզաբանում էր տվել, որ պարետատունը ընդդիմության որևէ ներկայացուցչից դիմում չի ստացել, թե իրենք ցանկություն ունեն այցելելու Սարդարապատի հուշահամալիր:
Այնուամենայնիվ, ընդդիմադիրները հուշամալիրի փակ լինելն անտրամաբանական են համարել, երբ աշխատում է հանրային տրանսպորտը, խանութներն ու սրճարաններն էլ բաց են։ Նրանք, սակայն, հաշվի չեն առնում, որ հուշահամալիր գնացողների սերտ շփումները, վարակվելու հավանականությունը մեծ է։ Ի վերջո, նման վայրեր այցելում են մտերիմներով, խմբերով, հետեւաբար՝ կառաջանան մարդկային կուտակումներ։ Իսկ հանրային տրանսպորտում, խիստ արգելված է կանգնած ուղեւոր տեղափոխելը, նստածներն էլ հիմնականում միմյանց անծանոթ են, իրար հետ չեն էլ շփվում։ Ինչ վերաբերում է խանութներին (ոչ սննդի), ապա այցելուները շատ քիչ են, ուստի այս համեմատությունը, մեղմ ասած, ճիշտ չէ։ Այնպես որ՝ Սարդարապատի հուշահամալիրը փակելը ճիշտ էր հանուն մեր բոլորի առողջության։
Եվս մեկ անգամ շնորհավորում ենք մեր Առաջին Հանրապետության 102-րդ տարեդարձի կապակցությամբ։ Առողջ եղեք։
