Հայաստանի ֆուտբոլի ազգային թիմի և գերմանական «Հոֆենհայմ»-ի կիսապաշտպան Սարգիս Ադամյանը վիրահատվել է:
Վիրահատել են Ադամյանի աջ կոճը: Ֆուտբոլիստը սոցցանցերում շնորհակալություն է հայտնել երկրպագուներին աջակցության համար և վստահեցրել, որ վիրահատությունը հաջող է անցել:
Ինչպես հայտնում են մարզական աղբյուրները, Ադամյանը վերջին շրջանում բաց էր թողնում «Հոֆենհայմ»-ի հանդիպումները: Նա մինչ այս մասնակցել է 16 խաղի և դարձել է 6 գոլի հեղինակ:
