Որևէ բան բացառել հնարավոր չէ այսօր։ Այս մասին այսօր լրագրողների հետ զրույցում ասաց ՀՔԾ պետի տեղակալ Վլադիմիր Հովհաննիսյանը՝ անդրադառնալով հարցին՝ արդյոք նախկին ոստիկանապետ Հայկ Հարությունյանի ինքնասպանությունը կարո՞ղ է կապված լինել Մարտի 1-ի գործի հետ։
«Հարուցված է քրեական գործ ինքնասպասնության հասցնելու դեպքի առթիվ։ Պնդել, որ տեղի է ունեցել սպանություն, հիմքեր չկան, որքանով ինձ հայտնի է։ Համենայն դեպս, քրեական գործով վարույթն իրականացվում է քննչական կոմիտեի վարույթում, և նման հարցերոով դիմեք նշյալ մարմնին»,- ասաց նա։
Հարցին՝ արդյոք ճի՞շտ է, որ անձնական տվյալներ են հրապարակվել Հարությունյանի մասին, մասնավորապես, որ ալկոհոլի ազդեցության տակ է եղել, նա պատասխանեց, որ ցանկացած գործով հրապարակման ենթակա ծավալը որոշում է քննիչը։
Իսկ մամուլում հրապարակվող լուրերը, որ ՀՔԾ պետը ստիպել է Հայկ Հարությունյանին ցուցմունք տալ, պետի տեղակալը հերքեց՝ նշելով, որ հերյուրանք են այդ լուրերը։
