Սանտա Կլաուսի տեղաշարժին աշխարհով մեկ հետևել է 21.3 մլն մարդ։ Այս մասին հաղորդում է Հյուսիսային Ամերիկայի տիեզերական պաշտպանության միացյալ հրամանատարությունը, որը ստեղծել էր Սանտա Կլաուսի տեղաշարժի վիրտուալ քարտեզ։
Մարդիկ շարունակ հետևել են, թե այդ պահին որ քաղաքի վրայով է անցնում Սանտան և քանի նվեր է թողել այս կամ այն երկրում։ Կայքում տեղափոխությանը հետևել է 19.6 մլն մարդ, մոտ 1.4 միլիոն մարդ էլ հետևել է կայքի Twitter-ի էջին։ Բացի այդ, հրամանատարությունում աշխատում էր թեժ գիծ։ Օրինակ՝ 9 երեխա հարցրել է, թե որքան արժե Սանտայի եղջերուների վարձակալությունը։
