«Սանիթեք» ընկերության աշխատակիցները կրկին հավաքվել են Երևանի քաղաքապետարանի մոտ և պահանջում են իրենց աշխատավարձը։ Հավաքված քաղաքացիները նշում են, որ դեռ չեն ստացել օգոստոս ամսվա աշխատավարձը, քանի որ ընկերությունից պնդում են, որ քաղաքապետարանից չեն փոխանցել ամբողջ գումարը:
Մասնավորապես, «Սանիթեքի» աշխատակիցները նշեցին, որ իրենք ուզում են պարզել, թե ումի՛ց պետք է ստանան իրենց փողը և չստանալու դեպքում ում դեմ դիմեն դատարան:
Ակցիայի մասնակիցներից մեկն էլ հավելեց, որ «Սանիթեքը» պարբերաբար իր աշխատավարձը քիչ է տվել, հիմա էլ վերջնահաշվարկ չեն անում:
