Այսօր Եռաբլուրում երկրի բարձրաստիճան պաշտոնյաներին անակնկալ էր սպասվում: Այնտեղ էր եկել երկու զոհված ազատամարտիկների մայր` տիկին Անահիտը, որպեսզի իր խոսքը հայտներ նրանց: Տարոն Մարգարյանին չհաջողվեց խույս տալ կնոջ հետ զրույցից: Քաղաքապետը կնոջն ասաց, որ այդ հարցին կանդրադառնան: Սակայն նրա խոսքերը չօգնեցին. կինն այնքան էր ուզում օգնություն ստանալ, որ հետապնդում էր բոլոր հոգևոր և աշխարհիկ իշխանության անդամներին` պահանջելով իրեն բնակարան տալ: Կնոջ տասնչորս հոգուց բաղկացած ընտանիքը ապրում է ավտոտնակում: Այդ ընթացքում նրան հանգստացնում էր ԱԺ պատգամավոր Սամվել Ալեքսանյանը: Վերջինս մեկ համոզում էր կնոջը, մեկ խոստանում էր օգնել, մեկ քաշում էր թևից:
Աղբյուր` news.am
