Գորայքում սահմանադրական բարեփոխումների «Այո»-ի քարոզչության ժամանակ տեղի բնակիչների հետ ունեցած հանդիպման ընթացքում ՀՀ վարչապետ Նիկոլ Փաշինյանն ասաց, որ ՀՀ քաղաքացին հոգով զգում է ճշմարտությունը:
«Ես ասել եմ, որ Հայաստանի ժողովուրդն ունի մի հատկություն. խոսելիս զգում է՝ դու ճիշտ ես ասում, թե չէ»,- նկատեց Փաշինյանը:
Փաշինյանը պատմեց, որ Գորիսում մի տուն է մտել, որտեղ տարիքով մի տատիկ ասել է.
«Սաղ գիշերը մտածում եմ առավոտ ո՞նց վեր կենամ, էդ բուքում մի երկու բան գրեմ դրանց մասին: Բուքը «Ֆեյսբուք»-ի հետ ա….»:
Վարչապետը ՀՀ քաղաքացիներին կոչ արեց զերծ մնալ ատելության խոսքից՝ շեշտադրելով, որ ապրիլի 5-ի հանրաքվեով պետք է կարողանան վերջ դնել ատելության խոսքին. «Եթե տեսնում եք, որ ուրիշները մեր նկատմամբ սխալ են արտահայտվում, նրանց հարգանքով, սիրով պատասխանեք… Մեզ կհայհոյեն, մեր մասին ստեր կասեն: Իմիջիայլոց, էդ ստերն ասելն էլ ա օգտակար: Դրանից մեր զգոնությունը ուժեղանում ա: Ինչքան իրանք մեզ մեղադրում են անարդյունավետության մեջ, էնքան մենք դառնում ենք ավելի արդյունավետ: Դա էլ ա օգտակար: Ես հասկանում եմ, որ էդ ամենը ջղայնացնում ա, բայց էդ ջղայնությունը պահեք հաջորդ ընտրությունների համար, որ գնաք իրանց դեմ քվեարկեք: Քվեարկեք այն իշխանությանը, որին որ դուք ուզում եք»:
