Նիգերի հյուսիսում փրկարարաները հայտնաբերել են ևս 87 մարդու մարմին, որոնք, ըստ նախնական տեղեկությունների, ներգաղթյալներ են։ Նրանք բոլորը մահացել են ծարավից, երբ մեքենաները շարքից դուրս են եկել Սահարա անապատի մեջտեղում։ Զոհվածների մեծ մասը կանայք և երեխաներ են։
Փրկարարները հայտնել են, որ մարմիններից շատերն անճանաչելի են, իսկ մի մասին կերել են անապատային կենդանիները։ Առայժմ հայտնի չէ, թե ուր էին ուղևորվում ներգաղթյալները՝ Եվրոպա, թե Ալժիր։ Ընդհանուր առմամբ, վերջին մեկ շաբաթվա ընթացքում Սահարայում հայտնաբերվել է 113 ներգաղթյալի մարմին։
