Հանրային ծառայությունները կարգավորող հանձնաժողովը վերանայելու է էներգետիկայի բնագավառում սակագների վերանայման կարգը: Նախագիծը նախատեսվում է քննարկել հանձնաժողովի հոկտեմբերի 23-ի նիստում:
Փոփոխության իմաստն այն է, որ սակագների վերանայման գործընթացը կարագացվի: Այսպես՝ վերանայման հայտի դիմումն ընդունելուց հետո հանձնաժողովը պարտավորվում է հայտի ստուգման արդյունքների մասին հայտատուին տեղեկացնել 5 օրվա ընթացքում՝ նախկին 10 օրվա փոխարեն:
Բացի այդ՝ 10 օրով կրճատվում է որոշումն ընդունելու ժամկետը՝ հայտն ընդունելուց հետո 80 օր, նախկին 90 օրվա փոխարեն:
