Երեկ Վրաստանի նախագահ Միխեիլ Սաակաշվիլին ստիպել է Ռուսաստանի պատվիրակությանը լքել Միավորված ազգերի կազմակերպության Գլխավոր Ասամբլեայի դահլիճը՝ քննադատության տարափ ուղղելով իր հյուսիսային հարևանի դեմ։
«Հայաստանը՝ անկյունում է, Մոլդովան՝ շրջափակված, Ուկրաինան հարձակման է ենթարկվում, Ադրբեջանը ենթարկվում է ճնշման, Վրաստանն օկուպացված է։ Ինչու՞․․․ Որովհետև հին կայսրությունը փորձում է այսպիսով վերագտնի իր հին սահմանները», — ասել է Սաակաշվիլին։ Ելույթի ժամանակ ռուսական պատվիրակությունը լքել է դահլիճը։
«Ի նշան այն գնահատականների, որոնք հնչեցին Գլխավոր Ասամբլեայի ամբիոնից Սաակաշվիլու կողմից, Ռուսաստանի ներկայացուցիչները լքեցին դահլիճը»,- հայտարարել է ՌԴ ԱԳՆ պաշտոնական ներկայացուցիչ Ալեքսանդր Լուկաշևիչը։
