Ռուսաստանը պետք է քայլեր ձեռնարկի՝ հայ և ռուս երիտասարդների միջև շփումներն ակտիվացնելու համար: Նման հայտարարությամբ այսօր հանդես եկավ Եվրասիական համագործակցության զարգացման հիմնադրամի փոխնախագահ Անդրեյ Սմիրնովը: Նրա խոսքով՝ թեև ընդհանուր առմամբ հայ հասարակությունը լոյալ է եվրասիական տնտեսական ինտեգրման նկատմամբ, սակայն հասարակական կազմակերպությունները և ակտիվ երիտասարդությունը ավելի շատ ԵՄ հետ ինտեգրման կողմնակիցն են:
«Մենք պետք է ակտիվացնենք մեր աշխատանքը երեք հիմնական ուղղություններով՝ քաղաքականություն, տնտեսություն անվտանգության ոլորտ: Թիրախային խմբերը պետք է լինեն լրագրողները, երիտասարդները, հասարակական կազմակերպություններն ու քաղաքական էլիտան: Այսօրվա դրությամբ, այն հայտարարությունները, որ արվում են Հայաստանի քաղաքական իստեբլիշմենթից, ցույց են տալիս, որ Հայաստանում պայքարը հանուն Մաքսային միության միանալուն ավարտված չէ»,- հայտարարեց Ա. Սմիրնովը:
