Երեկ Հաագայում անհայտ անձինք ներխուժել են ռուս դիվանագետների կողմից վարձակալվող բնակարանները և թալանել դրանք։ Ստացված տեղեկության համաձայն՝ դիվանագիտական կարգավիճակ ունեցող անձինք բնակարան էին վարձել միևնույն շենքում։ Այս մասին հաղորդում է Ria-Novosti գործակալությունը։
Սա արդեն երկրորդ դեպքն է, երբ ռուսաստանցի դիվանագետները սադրանքի են ենթարկվում Նիդերլանդների տարածքում։ Դրանք սկսվել էին Ռուսաստանում Greenpeace-ի ակտիվիստների դեմ քրեական գործերի հարուցումից հետո։ Նիդերլանդներում տեղի ունեցած առաջին դեպքից հետո Մոսկվայում ծեծի էր ենթարկվել նիդերլանդցի դիվանագետը։
