Ռուսաստանցի տիեզերգանցները ռեկորդ են սահմանել՝ ութ ժամ անցկացնելով բաց տիեզերքում

Ռուսաստանցի տիեզերագնացներ Օլեգ Կոտովն ու Սերգեյ Ռյազանսկին Միջազգային տիեզերական կայանից դուրս այսօր իրականացրել են տեխնիկական աշխատանքներ, որոնք տևել են ութ ժամ։ Այս մասին հաղորդում է Reuters գործակալությունը։ Այսպիսով, նրանք սահմանել են ռեկորդ, քանի որ նախկինում ոչ ոք այդքան ժամանակ չէր անցկացրել բաց տիեզերքում։

Միաժամանակ, գործակալությունը հաղորդում է, որ այս ռեկորդով նրանք պարտական են տեսախցիկներին, որոնք տեղադրելուց հետո չեն աշխատել։ Եվ տիեզերագնացները ստիպված են եղել դրանք հանել և հետ բերել։ Նախատեսված էր, որ տիեզերագնացները տիեզերքում պետք է աշխատեին 7 ժամ։