Սոցիոլոգիական հետազոտություններ անցկացնող «Լևադա կենտրոնը» հերթական ուսումնասիրությունն է կատարել, որի նպատակն է պարզել, թե արդյո՞ք ռուսաստանցիները բավարարված են իրենց երկրում ազատության աստիճանով: Պարզվել է, որ 60%-ը լիովին բավարարված է ազատությունների աստիճանով, իսկ 17 տոկոսի կարծիքով` երկրում ազատությունները չափից ավել են:
15 տոկոսն ասել է, որ դրա մակարդակը շատ ցածր է, իսկ 7 տոկոսը` դժվարացել է պատասխանել: 1990 թվականից հետո «բավարարվածների» թիվն աճել է 30 տոկոսով: Այն ժամանակ ազատությունների աստիճանից գոհ էր 30 տոկոսը, դժգոհ` 38-ը: 2011-ին այդ թիվը կազմում էր 50 տոկոսը:
Բացի այդ, հարցումը պարզել է, որ 70 տոկոսը կարծում է, որ առանց պետության օժանդակության բնակչության մեծամասնությունը չի կարող գոյատևել:
