Պատմաբան Փոլ Գլոբը գրում է, որ Ռուսաստանում տեղի են ունենում փոփոխոթություններ կրոնական հողի վրա, ինչը միջազգային հանրության վրա կարող է ավելի ծանր հետևանքներ ունենալ, քան ԽՍՀՄ փլուզումը։ Այս մասին հաղորդում է The Washington Post-ը։
Հեղինակը նշում է, որ այսօր Ռուսաստանում ապրում է 15% մուսուլման, այդ թիվն աճելու միտում ունի, քանի որ մուսուլմանների ընտանիքներում ծնվում է միջինը 2.3 երեխա, իսկ քրիստոնյաների ընտանիքներում՝ 1.1։ Որոշ հետազոտողներ կարծիք են հայտնում, որ 21-րդ դարում Ռուսաստանում տեղի կունենա ժողովրդագրական հեղափոխություն։
«Ալկոհոլիզմի ու ցածր ծնելիության պատճառով քրիստոնյա բնակչության աճը կազմում է տարեկան ընդամենը 0,6 %, սակայն մուսուլմանական բնակչությունն աճում է շատ արագ։ Մի քանի տարուց զորակոչի տարիքի երիտասարդների մոտ 50%-ը կլինեն մուսուլմաններ», — գրում է հեղինակը։ Գլոբը նաև նշում է, որ անցած շաբաթ Բիրյուլևոյում տեղի ունեցած բախումները կարող են շատ ավելի վատ հետևանքներ ունենալ։
