Ռուսաստանի վարչապետ Միխայիլ Միշուստինը հայտարարել է, որ Ռուսաստանի Դաշնությունում կորոնավիրուսի տարածման հետ կապված իրավիճակը շարունակում է բարդ մնալ, հայտնում է Ria.ru-ն:
«Կորոնավիրուսի տարածման հետ կապված իրավիճակը շարունակում է մնալ դժվարին, դեպքերի թիվն աճում է, չնայած՝ ապաքինվողներն ավելի ու ավելի շատ են»,- ասել է նա:
Միշուստինն ավելացրել է, որ առողջապահական համակարգը շարունակում է աշխատել առավելագույն ծանրաբեռնվածությամբ:
Ռուսաստանում այսօր կորոնավիրուսով վարակված է 24 490 մարդ, 1986-ը՝ ապաքինվել է, 198-ը` մահացել:
