Ռուսաստանում ինքնաթիռ է կործանվել

Ռուսաստանի Իրկուտսկ քաղաքում կործանվել է բեռնատար ԱՆ-12 ինքնաթիռ: Այս մասին հաղորդում է ITAR-TASS գործակալությունը:

Գործակալությանն իրավապահները հայտնել են, որ ինքնաթիռում գտնվել է 9 մարդ։ Առայժմ հայտնի չէ նրանց ճակատագիրը: Ինքնաթիռը պատկանել է Ռուսաստանի արդյունաբերության նախարարությանը:

Այն ընկել է զինվորական բազայի տարածքում՝ վայրէջքի ժամանակ: Այդ տեղանքում մասամբ փլուզվել է երկու պահեստ: