ԱՄՆ նախագահ Բարաք Օբաման ասել է, որ Ռուսաստանն ընդամենը «տարածաշրջանային տերություն է», որի գործողություններն Ուկրաինայում թուլության արտահայտում է, այլ ոչ թե ուժի ցուցադրություն։ Այս մասին հաղորդում է The Guardian-ը։ Ելույթ ունենալով Հաագայի միջուկային անվտանգության գագաթնաժողովում՝ Օբաման մերժել է այն պնդումը, թե Ռուսաստանը ԱՄՆ-ի հիմնական աշխարհաքաղաքական մրցակիցն է։
«Ռուսաստանը տարածաշրջանային տերություն է, որը սպառնում է իր որոշ հարևաններին ոչ թե ուժի, այլ թուլության պատճառով», — ասել է ԱՄՆ նախագահը։ Բարաք Օբաման հայտարարել է, որ Ռուսաստանի գործողությունները խնդրահարույց են, սակայն նա չի կարծում, թե Ռուսաստանը ԱՄՆ-ի անվտանգության թիվ մեկ վտանգն է։ Օբաման մերժել է Ղրիմի «անեքսիան և ներխուժումն այնտեղ» արդարացնող բոլոր հիմքերը և Կոսովոյի հետ համեմատությունները։ «Որևէ ապացույց չկար, որ ռուսախոս բնակչությանը որևէ վտանգ էր սպառնում», — ասել է Օբաման։
