Ռուսաստանի նախագահի միջազգային մշակութային կապերի հարցերով հատուկ ներկայացուցիչ Միխայիլ Շվիդկոյը հայտարարել է, որ պետք չէ հերքել այն փաստը, որ Մոսկվայի արվարձաններում էթնիկական հողի վրա լարվածություն կա: Ըստ Շվիդկոյի, դա մասնավորապես պայմանավորված է վերջերս ադրբեջանցի Օրհան Զեյնալովի կողմից 25-ամյա ռուս երիտասարդին սպանելու հետ:
«Մոսկվայի կենտրոնում այդպիսի լարվածություն չկա: Սակայն արվարձաններում այն գոյություն ունի, և դա պետք չէ թաքցնել: Իմ կարծիքով, լարվածությունը կապված է այս կամ այն տարածաշրջանի սոցիալ-տնտեսական խնդիրների հետ», — ասել է Շվիդկոյը` կոչ անելով զգույշ լինել հայտարարությունների մեջ և չսրել իրավիճակը:
