Ռուսաստանի պաշտպանության նախարար, բանակի գեներալ Սերգեյ Շոյգուն «Վեստի» հաղորդմանը տված հարցազրույցում նշել է այն սպառնալիքները, որոնք ազդում են Ռուսաստանի անվտանգության վրա:
«Սկսենք ներկայումս ամենակարևոր թշնամուց` միջազգային ահաբեկչությունից: Հնարավոր է, որ սա արդեն սովորական դարձած արտահայտություն է, սակայն իրականում ո՞վ է կռվում Սիրիայում, Մալիում, Լիբիայում», — ասել է Շոյգուն:
Որպես երկրորդ սպառնալիք նա նշել է ՆԱՏՕ-ին և այդ կառույցի մոտեցումը Ռուսաստանի սահմաններին. «Ընդարձակումը, մեր կարծիքով, բացարձակապես հիմնավորված չէ: Մենք բոլորս խոսում ենք, ժպտում մեկս մյուսին, սակայն դա շարունակվում է», — ավելացրել է նախարարը:
