«Սպրավեդլիվայա Ռոսիա» կուսակցության առաջնորդ Սերգեյ Միրոնովը հայտարարել է, որ պետական դուման կարող է քննարկել Ղրիմը Ռուսաստանին միացնելու մասին օրինագիծն արդեն հաջորդ շաբաթվա ընթացքում: Այս մասին հաղորդում է RIA-Novosti գործակալությունը:
«Կարծում եմ, որ հաշվի առնելով մարտի 16-ի հանրաքվեի առկայությունը, դեռ ժամանակ կա, որպեսզի օրենքը քննարկենք նորմալ ռեժիմով: Օրինագիծը քննարկվելու է հաջորդ շաբաթվա ընթացքում», — ասել է Միրոնովը:
Հիշեցնենք, որ այսօր Ղրիմի խորհրդարանն ընդունել է ՌԴ կազմի մեջ մտնելու օրենք: Այս հարցով մարտի 16-ին կանցկացվի հանրաքվե:
