Այսօր Ռուսաստանի Դաշնության արտաքին գործերի նախարար Սերգեյ Լավրովն արել է անակնկալ հայտարարություն` նշելով, որ իր երկիրը չի պատրաստվում պատժամիջոցներ կիրառել Ուկրաինայի դեմ, եթե այդ այն ասոցացման համաձայնագիր ստորագրի Եվրամիության հետ:
«Մենք ոչ մի հակացուցում չենք տեսնում այն հարցում, որը վերաբերում է գործընթացին (ԵՄ հետ ասոցացման համաձայնագրին — խմբ.): Մենք չենք կարող արգելել որևէ մեկին տնտեսական ոլոտում հարաբերություններ զարգացնել միջազգային կառույցների հետ», — այս մասին Լավրովն ասել է Գերմանիայի արտգործնախարար Ֆրանկ Վալտեր Շտանմայերի և Լեհաստանի արտգործնախարար Ռադոսլավ Սիկորսկու հետ բանակցություններից հետո:
Հիշեցնենք, որ Ուկրաինայի նախագահ Վիկտոր Յանուկովիչն անցած տարվա նոյեմբերին Ռուսաստանի կտրուկ դիրքրոշման հետանքով ստիպված էր հրաժարվել Եվրամիության հետ ասոցացման համաձայնագրից, ինչի հետևանքով Ուկրաինայում սկսվեցին ներքաղաքական հուզումներ, իսկ փետրվարի 22-ին Յանուկովիչը փախուստի դիմեց Ուկրաինայից և պաշտոնանակ արվեց:
