Քեսաբահայերի ներկայիս վիճակին այսօր լրագրողների հետ հանդիպմանն անդրադարձան օրերս Լաթաքիայից վերադարձած պատգամավորներ Էդմոն Մարուքյանը, ԹևանՊողոսյանը և թուրքագետ Արտակ Շաքարյանը:
Էդմոն Մարուքյանի կարծիքով՝ Քրիստոնեական փոքրամասնության իրավունքները Սիրիայում զանգվածային կերպով խախտվում են: Եթե չեղավ Ասադի ռեժիմը, Սիրիայում քրիստոնյաներ չեն մնա:
«Վերջին մի քանի տարիների իրականությունն ապացուցում է, որ միջազգային իրավունքի ոլորտում էլ գործում է «ուժեղի մոտ ամեն ինչ ավելի լավ է ստացվում» սկզբունքը: Չկա աշխարհում երկիր, որ լիակատար անկախություն ունենա: Լինելով ՌԴ-ի հետ դաշնակից, այնուամենայնիվ, այդ դաշնակցությունը պաշտոնական հարցերի շուրջ է: Ռուսաստանը միայն և միայն առաջնորդվելու է սեփական շահից ելնելով»,- ասում է Թևան Պողոսյանը:
«Կոչ կանեմ մնալ զգոն, քանի որ չի բացառվում, որ առաջիկա ամիսների ընթացքում Քեսաբը դեռ լինի կռվախնձոր երկու պետությունների միջև: Հայերը շատ ճիշտ կողմնորոշվեցին և գովելի է, որ #SaveKessab հեշթեգը դարձավ թրենդային: Մենք օգտագործեցինք այս փաստը` ևս մեկ անգամ Ցեղասպանության մասին հիշեցնելու համար»,- նշեց թուրքագետ Արտակ Շաքարյանը:
