Ռուսաստանի Դաշնության վարչապետ Դմիտրի Մեդվեդևն այսօր հայտարարել է, որ հրահանգել է «Ռուսական ավտոճանապարհներ» ընկերությանը ստեղծել դուստր ձեռնարկություն, որն իրականացնելու է Կերչի նեղուցի վրայով կամուրջի կառուցումը: Այդ կամուրջը միմյանց կկապի Ղրիմն ու Ռուսաստանը:
Նա նշել է, որ սա արվում է այդ կամրջի շինարարությունը գործնական հենքի վրա դնելու համար: Ռուսաստանն ու Ուկրաինան անցած տարվա դեկտեմբերին ստորագրել էին մի շարք փաստաթղթեր, այդ թվում Կերչի նեղուցի վրայով ճանապարհ ստեղծելու մասին:
Այս կամուրջը թույլ կտա 450 կմ-ով կրճատել ճանապարհը ռուսական Նովորոսիյսկից դեպի ուկրաինական Խերսոն: 2010 թվականին այս նախագիծը գնահատվել էր 24 մլրդ ռուբլի (մոտ 700 մլն դոլար):
Տեղեկացնենք նաև, որ նեղուցի լայնությունը կազմում է 4,5-15 կմ:
