Ուկրաինայի Լուգանսկ քաղաքի անվտանգության ծառայության շենքի մոտ շուրջ 1500 ռուսամետ ցուցարարներ են հավաքվել։ Այս մասին հաղորդում է «УНИАН»-ը։
Ուկրաինան դաշնային պետություն հռչակելու կողմնակիցները վերջին օրերին ակտիվացել են Դոնեցկ, Խարկով և Լուգանսկ քաղաքներում։ Ռուսական դրոշներով ցուցարարները պահանջում են հանրաքվե անցկացնել իրենց մարզերի կարգավիճակը որոշելու համար։
Ներկա պահին Լուգանսկում ՈւԱԾ-ի շենքի մոտ հավաքված ցուցարարները պատրաստվում են Դոնեցկի և Խարկովի ակտիվիստների օրինակով իրենց մարզը հռչակել, այսպես կոչված, «ժողովրդական հանրապետություն»։
