Պորտուգալիայի հավաքականի հարձակվող Կրիշտիանո Ռոնալդուն հրաժարվել է պատասխանել այն հարցին, թե ինչու է վախենում Աշխարհի առաջնության ընտրական փուլի անցումային խաղերում Ֆրանսիայի հավաքականի հետ հնարավոր դիմակայությունից։ Հիշեցնենք, որ երկու թիմերն էլ իրենց խմբերում գրեթե ապահովել են երկրորդ տեղերը և մեծ է հավանականությունը, որ կմասնակցեն անցումային խաղերին։
«Տեսականորեն Ֆրանսիան անցումային խաղերում հնարավոր ամենաուժեղ թիմն է։ Մեր դիմակայությունը կարող էր հետաքրքիր ստացվել… այդ պատճառով՝ անհրաժեշտ է նրանից հրաժարվել։
Եթե կա մի մրցակից, որի հետ ավելի լավ է չհանդիպել, ապա դա Ֆրանսիան է։ Պատճառները մի քանիսն են։ Սակայն ես չեմ պատրաստվում դրա մասին խոսել, քանի որ ինձ կարող են պատժել», — ասել է Կրիշտիանո Ռոնալդուն։ Այս մասին հաղորդում է L’Equipe-ն։
