Իտալական «Ռոմա»-ն չկարողացավ հաղթանակ տոնել Եվրոպայի լիգայի խմբային փուլի 3-րդ տուրում:
«Արմենպրես»-ի հաղորդմամբ՝ Հռոմի Օլիմպիական մարզադաշտում «գայլերի» Եվրոպայի լիգայի շրջանակներում հյուրընկալել էին Մյունխենգլադբախի «Բորուսիա»-ին: Հանդիպման առաջին կեսի 32-րդ րոպեին Զանիոլոն առաջ մղեց տան տերերին: «Ռոմա»-ն չկարողացավ պահպանել առավելությունը և խաղի ավելացված 5-րդ րոպեին «Բորուսիա»-ն անվրեպ իրացրեց նշանակված 11 մետրանոց հարված: Հանդիպումն ավարտվեց ոչ-ոքի՝ 1:1:
Հայաստանի ազգային թիմի ավագ Հենրիխ Մխիթարյանը բացակայում էր հայտացուցակից:
Այս տուրից հետո «Ռոմա»-ն J խմբում 5 միավորով մնում է առաջատարի դիրքում:
