Մյունխենի «Բավարիայի» կիսապաշտպան Ֆրանկ Ռիբերին, ով Կրիշտիանո Ռոնալդուի և Լիոնել Մեսսիիի հետ մեկտեղ համարվում է Ոսկե գնդակի գլխավոր հավակնորդներից մեկը, տարակուսել է, թե Ֆրանսիայում ցանկանում են այդ մրցանակը հանձնել իրեն: Այս մասին հաղորդում է SportsDirectNews-ը:
«Ինձ ներկայացնում են որպես ետնապահ, իսկ «Ոսկե գնդակը» նվաճելու համար անհրաժեշտ է, որպեսզի ավելի շատ աջակցություն ունենամ: Հարցրե՛ք Արգենտինայի կամ Պորտուգալիայի ներկայացուցիչներին` ու՞մ օգտին նրանք կքվեարկեն:
Ֆրանսիայում ես երբեմն զգում եմ, որ շատերը կնախընտրեին, որպեսզի մրցանակը ստանա Մեսսին կամ Ռոնալդուն: Ինձ շատ հետաքրքիր է, թե ինչու է այդպես: Ես ուժեղ խաղ էի ցուցադրում, կայուն էի և շատ մրցանակներ եմ նվաճել», — նշել է Ռիբերին:
