ԱՄՆ Կալիֆորնիա նահանգի Սան Մատեո քաղաքի ոստիկանությունը մի տղամարդու է ձերբակալել, ով ռեստորանից գողացել է հեռուստացույց և այլ էլեկտրոնային սարքեր։ Այս մասին գրում է Lenta.ru-ն։
Իրավապահների ունեցած տեղեկություններով՝ 31-ամյա Քևին Քինտանիլյան ձերբակալվել է հանցագործությունն իրականացնելուց անմիջապես հետո։ Նրա հեռախոսահամարը ոստիկանությանը տրամադրել է ռեստորանի աշխատակցուհին։ Պարզվել է, որ ռեստորան մտնելուց մի քանի ժամ առաջ հանցագործը փորձել է ծանոթանալ կնոջ հետ՝ թողնելով իր տվյալները։
Քինտանիլյայի տան խուզարկության ժամանակ հայտնաբերվել են գողացված իրերը։ Քևինին մի քանի մեղադրանք է ներկայացվել։