Մադրիդի «Ռեալի» մարզչական շտաբը հետաքրքրված է գերմանական «Բավարիայի» խորվաթ հարձակվող Մարիո Մանջուկիչի ծառայություններով: Այս մասին հաղորդում է Marca-ն` հղում կատարելով ՖԻՖԱ-ի գործակալ Ֆրանսուա Գալյարդոյին:
«Քարիմ բենզեմա, Ալվարո Մորատա, Խեսե Ռոդրիգեսը չեն բավարարում մարզչական շտաբի պահանջներին: Այդ է պատճառը, որ նոր մրցաշրջանում «Ռեալը» ցանկանում է իր կազմում տեսնել Մանջուկիչին», — ասել է Գալյարդոն:
Հիշեցնենք, որ Մարիո Մանջուկիչը մյունխենյան ակումբ է տեղափոխվել 2012 թվականին, իսկ 2013-ին «Բավարիայի» կազմում դարձել է Գերմանիայի չեմպիոն, գավաթակիր, ՈւԵՖԱ-ի Չեմպիոնների լիգայի և սուպերգավաթի հաղթող:
