Թուրինի «Յուվենտուսի» կիսապաշտպան Փոլ Պոգբան դարձել է երեք գերակումբների` «Ռեալի», «Բավարիայի» և ՊՍԺ-ի հիմնական թիրախներից մեկը: Այս մասին հաղորդում է իտալական La Gazzetta dello Sport-ը:
Թուրինյան ակումբը չի ցանկանում հրաժեշտ տալ 20-ամյա ֆուտբոլիստին, ում կառաջարկի նոր պայմանագիր մինչև 2018 թվականը: Նոր պայմանագրով ֆրանսիացու աշխատավարձը կկազմի տարեկան 4 միլիոն եվրո: Սակայն եթե Պոգբան չհամաձայնի երկարաձգել պայմանագիրը, ապա «Յուվենտուսը» նրա դիմաց կպահանջի 60 մլն եվրո:
Ներկայումս ֆուտբոլիստի աշխատավարձը կազմում է տարեկան 1,5 մլն եվրո: Գրանդ ակումբները պատրաստ են նրան վճարել 7-8 մլն եվրո:
